Aizkorak eta segak zorroztuta, prest

Jokin Urre­tabizkaia 'Basoza­bal' donostiarra (20 urte) eta Jon Larrañaga 'Larra' (51 urte)  Her­nanin bizi den oiar­tzua­rraren arteko desafioa gaur jo­katuko da, Jauregi jatetxeko zelaian, eguerdiko 12:00etan. 3.000 euro jokatuko ditu ba­koi­tzak eta egin beharreko la­na; lehenengo zortzina kana-erdiko moztu, eta, ondoren, segan 75 minutuko denbora be­te arte. Denbora ho­rretan be­lar ki­lo gehien mozten duena izan­go da garaile.  Biak ere sasoiko eta gogotsu agertu dira aurre­ko egunetan; urduri ere bai, asko baitago jokoan. 

Jendetza espero da Jauregin eta sarrera 20 eurotan

Bi kirolariek prestakuntzak be­har bezala egin dituzte eta Jauregin jendetza espero da biak lehian ikusteko. Sarre­raren prezioa 20 eurokoa da. Basozabalentzako lehe­nen­go apustua da, ez ordea, Larra­ren­­tzako. Aurretik baditu jo­ka­­­tuak hainbat erronka. Ho­ri bai, ez bihar jokatuko den ohiar­tzunarekin. Bai bata eta bai bestea aizkoran eta segan ari­tzen dira, eta aurten Baso­zabal Euskal Herriko txapel­ketan ere ari­tu da, segan. Aizkoran ere era­kustaldietan aritu da. Larra gehiago da aiz­kolaria.

Apusturako egur guztiak Urre­tabizkaiak aurkeztuko di­tu. Baso­za­balek, la­guntzaile be­za­la, pres­takun­tzan, Gabriel Sa­ra­legi eta Juan Manuel Era­sun izan ditu. Larrak, ordea, Irun­txiberri; eta Donato Larre­txea aizkolari haundia ere alboan eduki du.