«Behar bereziak dituzten haurren errealitatea ezagutzera emateko», Pausoka Eguna ospatuko dute gaur. Eta oraingoan, Hernanin izango da, Urumea ikastolako patioan.
Festa giroan emango dute ezagutzera, beste urte batez, haur horien errealitatea eta Pausoka Elkartearen lana. Goizeko 11:00etan hasiko dira ekintzak, eta arratsaldera arte, musika, magia zein jolasak izango dituzte gozagarri, bertaratzen direnek.
Tartean, bazkaltzeko aukera ere izango da bertan: paellada solidarioa izango da.
Egun osoan zehar, gainera, pintxoak, edariak eta tonbola egongo dira, Urumea ikastolan bertan.
GAUR, Urumea ikastolan
11:00, Pausoka Egunaren hasiera.
11:15, Ezagutu Pausoka tailerra.
11:30, Aurpegi margotzea eta eskulanak.
12:00, Porrotx pailazoarekin kantu eta dantza saioa.
13:30, Paellada solidarioa.
15:00, Denentzako ginkana.
15:30, Umeentzako tailerrak.
16:00, Marsel magoaren saioa.
17:00, Puzgarriak.
18:30, Zozketa solidarioa.
19:00, Pausoka Egunaren bukaera.