Jaiegun arrotzei aurre egiteko, bi egitarau ezberdin prestatu dituzte gaur, Hernanin, Hispanitatearen egunean.
Batetik, Herri Eskolak egiteko zita jarri du Ikasle Abertzaleak taldeak, Jai egun arrotzei intsumisioa lelopean. Hasteko, 11:30etan, Autodefentsaren beharraz hitzaldia antolatu du. Ondoren, bazkaria egingo dute, eguerdiko 14:00etan. Biak ere, Kontrakantxa gaztetxean izango dira.
Eta bestetik, Jai arrotzen aurrean, Hernaniko gazteak antolatu! lelopean, Gazte Eguna deitu du. Goizeko 11:00etan hasiko da, eta Altsasuko guraso eta senideen hitzaldia izango da, EH Bilduren lokalean. Eta ondoren, poteo musikatua egingo dute, 12:30etan hasita.
Bazkaria ere antolatu dute beraiek ere, Tilosetan, eta bingoa ere egingo dute. Eta hortik aurrera, musika izango da protagonista. Zuttik Elektrotxaranga hernaniarrak ariko da 18:00etatik aurrera, eta bi talderen kontzertuak gauean, 22:00etan hasita, Tilosetan: The Bobby?s eta Kilimak.
Eta azkenik, Garin tabernan emango diote segida gauari, DJ Asterix & Obelixekin.