Atzo argitaratu zuen Berri Txarrak taldeak, Euskal Herriko hainbat gaztetxe eta aretotan emango duen kontzertu sorta berriaren egutegia; eta horietako bat, Hernanin izango da, Oialume biltokian. Urriaren 26an joko du Berri Txarrakek bertan, 21:30etan hasita.
Sarrerak, bihar bertan jarriko dituzte salgai, arratsaldeko 19:00etatik aurrera, interneten: www.wegow.com web orrian. 19,95 euro gehi kudeaketa gastuak izango dira, eta gehienez ere, lau sarrera eskuratu ahalko dira, erosketa bakoitzeko.
Beste sei kontzertu ere iragarri ditu Berri Txarrak taldeak, urrirako: 18an Amurrion, 19an?Baionan, 20an Elorrion, 24an Getxon, 25ean Bermeon, eta 27an Larragan. Horiei buruzko informazio zabalagoa, hemen.