Larunbateroko hitzorduari hutsik egin gabe, erremonte jaialdiarekin gozatzeko aukera izango da gaur, 16:00etan hasita, Galarretako frontoian. Lau partidu jokatuko dira, eta estelarrean, hirugarrenean, Barrenetxea IV hernaniarra ariko da, Ansa IIarekin, Zeberio II eta Endikaren kontra.
Aurretik, elkarren kontra ariko dira Aldabe eta Garcesek osatutako bikotea eta Beñat eta Larrañagak osatutakoa. Ondoren, berriz, Matxin III eta Etxeberria III, Segurola eta Ionen kontra, aurrena, eta Etxarri eta Azpiroz, Juanenea eta Arruarteren kontra, bukatzeko.