Bihar edo etzi Kataluniako Proceseko epaia ematea espero da eta Hernaniko Gure Eskuk jakinarazi du, kalejira zaratatsua egingo dutela, epaia ematen duten egunean bertan, 19:30etan Plaza Berritik abiatuta. Argazki erraldoia aterako dute bukaeran bertaratutakoek. Beraz jendea adi egotea eskatu dute. «Erreferenduma ez da delitua. Demokraziaren aurkako epaia ezagutu bezain pronto jakinaraziko ditugu Euskal Herriko mobilizazioak».
Atzo bertan Kataluniako eragile desberdinak ere mobilizazio baketsuen aldeko apustua egin zuten. Jendea manifestazioetara joateko deia egin zuten, hori bai, modu baketsuan. Hala ere aurretik epaia noiz irtengo den zai egon beharko da.