Urriak 12 jai eguna da egutegian, Hispanitatearen eguna ospatzen baita Estatuan; baina Hernanin, Ernai gazte erakundeak antolatuta, Gazte Eguna egingo dute: «jai arrotzen aurrean, Hernaniko gazteak antolatu!», adierazi dute. Ekitaldiak 11:00etan hasiko dira, Altsasuko guraso eta senideen hitzaldiarekin, EH Bilduren lokalean. 12:30etan, poteo musikatua egingo da, eta 14:30etan bazkaria eta bingoa Tilosetan; eguraldi txarra eginez gero Elizatxo ikastolan. Arratsaldeko 18:00etan, Zuttik elektrotxarangak animatuko ditu herriko kaleak. 22:00etan The Bobby?s eta Kilimak taldeen kontzertuak izango dira Tilosetan, eta gauak jarraipena izango du Garinen, DJ Asterix & Obelixen eskutik.
Kontrakantxan ere, zita
Ikasle Abertzaleakek ere jarri du zita etzi, Jai egun arrotzei intsumisioa lelopean: 11:30etan hitzaldia izango da gaztetxean, Autodefentsaren beharraz; eta 14:00etan, bazkaria.