Portu auzoan, ohitura dute auzotarrek, festak pasa eta hilabete eta erdira, Portu Eguna ospatzea. Aurten ere, bizilagunek egun osoko egitaraua prestatu dute etzi, larunbatarekin. Eguerdiko 12:00etan hasiko da festa, auzotarren arteko patata tortilla lehiaketarekin; bakoitzak etxetik ekarri beharko du tortilla, eta 13:00etan banatuko dituzte sariak.
Ondoren, 14:30etan izango da auzo bazkaria; aurrez erosi behar ziren tiketak. Eta bukatzeko, arratsaldeko 18:00etan, erromerian dantzatuko dute, Bide Batez taldearekin.
Antolatzaileek gonbitea luzatu diete auzotar guztiei, festan parte hartu dezaten.