Pausoka Eguna larunbatean ospatuko da Hernanin, Urumea Ikastolaren jolastokian. Goizeko 11:00etan inauguratuko da eguna eta arratsaldeko 19:00ak arte etengabe antolatu dira ekitaldiak umeen alde: Pausoka Tailerra, aurpegi margotzea eta eskulanak, Porrotxekin kantu eta dantza saioa, paellada solidarioa, ginkana, tailerrak, Marsel magoaren saioa, puzgarriak, zozketa solidarioa...
Pausoka elkartea behar bereziak dituzten umeen guraso elkartea da, irabazi asmorik gabekoa eta 2012an sortua. Beraien ekintzekin, euren seme-alaben integrazioa eta eskubideak lortu nahi dituzte, edozein dela ere arloa (lana, ikastola...).
«Lana burutzeko, ezinbestekoa da edonoren laguntza jasotzea, elkarlanean aritzea, alegia. Bazkideen dirua dugu sarbide bakarra eta edozein laguntza eskertzen dugu». Bazkide egiteko eta informazio gehiagorako pausokaelkartea.org webgunean bilatu daiteke.
EGITARAUA urriak 12
11:00: Pausoka Egunaren inaugurazioa.
11:15: Ezagutu Pausoka Tailerra.
11:30: Aurpegi margotzea eta eskulanak.
12:00: Porrotxekin kantu eta dantza saioa.
13:30: Paellada solidarioa.
15:00: Denentzako ginkana.
15:30: Umeentzako tailerrak.
16:00: Marsel magoaren saioa.
17:00: Puzgarriak.
18:30: Zozketa solidarioa.
19:00: Pausoka Egunaren bukaera.