2020 Udal Egutegia osatzeko argazki lehiaketa duela ia hilabete hasi zen eta gaur amaituko da argazkiak bidaltzeko epea. Egutegia aurten ere «herritarren argazkiekin» osatuko dute eta aurtengorako aukeratu den gaia Hernaniko Koloreak izan da.
Bertan parte hartu nahi duenak oraindik ere badu denbora, baina azkar ibili ordu gutxi geratzen dira eta. Argazkiek Hernanin kokatuak izan behar dute; argazki bakoitzaren kokapena zehaztu behar da; izenburu bat izan behar dute; eta egileko gehienez 5 argazki aurkeztu ahal izango dira.
Jatorrizko lanak HHZn (Herritarren Harrera Zerbitzua) aurkeztuko dira sinadurarik gabe. Bi gutunazaletan: Gutunazal batean, argazkiak. Bigarren gutunazalean, paper batean idatzita, egilearen izena, helbidea eta telefonoa.