Hernaniko auzoetako festa-sortari, beste bat gehitu zaio aurten: Zelabideko festak, Gabriel Zelaia eta Bidebieta plaza ingurukoak. Atzo lehertu zen festa aurrenekoz; koloretsu egin zuten, holi festarekin, eta nola ez, musikarekin eman zioten bukaera, egunari. Arratsaldean zehar ederki pasatzeko aukera izan zuten buruhaundi, poteo eta sardin dastaketan.
Egun potoloa, gaurkoa
Gaurkoa izango da, ordea, egun potoloena, ekintza gehiena bilduko dituena. Goizeko 10:00ak inguru hasiko dira Gabriel Zelaia eta Bidebieta plaza girotzen, Denontzat Gimnasioak antolatutako haurrentzako oztopo probekin; atletismoko pistan egingo dituzte.
Ondoren, goizeko 11:00k inguru sokatira herrikoierako deia egingo dute auzotarrek, Eper tabernako plazan izango da.
Segidan izango dira: 11:30etan, patata tortilla txapelketaren hasiera; 12:00etan, apar festa; eta 12:30etan, sagardo barrikotea.
Eguerdian, paella-jatearekin iritsiko dira gailurrera;?450entzat paella egiteko erronka bota dute, festak ederki hasteko.
Arratsaldean jarraituko du festak. Arratsaldeko 15:30etan jarriko dituzte haur eta gaztetxoentzako puzgarriak, eta orduerdi beranduago hasiko da toka eta bote txapelketa.
Puzgarriekin batera, haurrentzako beste hainbat ekintza ere izango dira arratsaldean zehar: aurpegi margoketa eta txokolatada.
Jaien aldeko bingoan familia osoak parte hartu ahal izango du, eta gaualdea musikatuko du, bukatzeko, Paco Sanchez DJak.
GAUR, larunbata
Egun osoan zehar, jokoak.
10:00, Denontzat, haurrentzako oztopo probak atletismoko pistan.
11:00, Sokatira herrikoia Eper
tabernako plazan.
11:30, Patata tortilla txapelketa (tortillak 11:30ak arte jasoko dira).
12:00, Apar festa Bidebietako plazan.
12:30, Sagardo barrikotea.
14:00, Paella herrikoia.
15:30, Gaztelu puzgarriak Bidebietako plazan.
16:00, Toka eta bote txapelketa Eper tabernako plazan.
16:30, Aurpegi margoketa.
17:00, Bidai-zozketa (jaien aldeko errifak).
17:30, Txokolatada Sagastialde elkartean.
18:00, Giza-futbolina Bidebietako futbol zelaian).
19:00, Jaien aldeko bingoa.
20:00, DJ Paco Sanchez.
21:00, Afaltzera. Bokatak txoznan.
22:00, DJ Paco Sanchez.
23:00, Zezen suzkoa.
23:59, Jaien amaiera.
BIHAR, igandea
Denok garbitzera!