Saskibaloi jardunaldiei hasiera eman dien elkartea Mundarro izan da, asteburu honetan. Atzo ziren jokatzekoak seniorretako emakumezkoak, etxean, Bergara-Soraluzeren kontra. Iluntzean hasi zuten partidua.
Mutilek, berriz, gaur jokatuko dute, baina etxetik kanpo. Donostiako Paco Yoldi kiroldegian daukate hitzordua, iluntzeko 20:00etan, eta Cafes Aitona izango dute aurkari. Mundarrok galdu egin ditu denboraldi hasierako aurreneko hiru partiduak, baina baita Cafes Aitonak ere, eta beraz, antzeko egoeran ariko dira bi taldeak.
Hernaniren kasuan, seniorretako taldeak Donosti Dolphins izango du aurkari gaur, arratsaldeko 16:00etan hasita, Mons kiroldegian. Bi taldeek bina partidu irabazi eta bana galdu dituzte orain arte, nahiz eta Hernanik lehengo asteburukoa galdu zuen.
Juniorretako errendimendu mailako taldeak, bestalde, bihar jokatuko du 12:00etan Easo Urdabururen aurka, Bidebietan.