Amaia Irazustabarrena Espainiako selekzioak deitu du urriaren 20tik 26ra, Oloron-Pau-n jokatuko den trinketeko Munduko Kopara. Beraz, beste txapelketa haundi batean ariko da palista hernaniarra. Horrek, Hernani taldean izango du eragina, aste horretan ezingo bait du Gipuzkoako Txapelketan jokatu.
Gipuzkoakoa urrian ere aurrera doa eta gaur eta bihar artean lau partidu jokatuko dituzte herriko palistek, ostegunean eta atzo jokatu zirenak kontuan hartu gabe. Hernanin bi jokatuko dira, bihar, 10:00etan. Bigarren mailakoan Balerdi eta Urdangarin Suberrin kontra ariko dira eta hirugarren mailakoan Gutierrez eta Otaegi, Eplen kontra.