Hernaniko ordezkariak bueltatu dira Estatu Batuetako Tahoe Lakutik emaitza esanguratsuekin. Ismael Mateok lortu du emaitzarik onena Spartan Race Munduko Oztopo Txapelketan laugarren postua sinatuta. 45-49 urte arteko kategorian. Ez zen bakarra maila horretan aritu zena, bere taldekide Lucio Romanek ere maila horretan egin zuen lasterka eta 19garren postuan amaitu zuen.
Munduko Txapelketa honetan parte hartu zuen emakume gipuzkoar bakarra Hernanitik joandako hirugarren ordezkaria zen, Izaskun Cantabella, eta hamabigarren postuan iritsi zen helmugara 35-39 urte arteko mailan.
Azpimarragarria da txapelketa non jokatzen zen eta horrek nola baldintzatzen zuen proba eguraldiaren eraginez. Tahoe Lakua Ameriketako Estatu Batuetako mendebaldeko ur gezako aintzira da, Sierra Nevadan dagoena, Nevada eta Kalifornia estatuen arteko mugan dagoena. 495 kilometro koadroko eremua hartzen du, eta 1.897 metroko garaieran dago.
Erretiratu asko eta oso pozik egindako lanarekin
Oso lasterketa gogorra izan zen, ez bakarrik ibilbideagatik, baita eguraldi hotzarengatik, eta horrek eragina izan zuen partehartzaileetan. Laku bat igeri zeharkatu behar izanak eta zaku bikoitzeko atezainak lasterketa baldintzatu zuten. «Inoiz ez genuen ikusi horrenbeste jende geldirik negarrez zakuak ezin mugituz».
Eskuak izoztuta zituzten lasterkariek eta altxaldiak ezin zituzten behar bezala egin. «Spartaneko Munduko Txapelketa hain justu». Hala ere, maila onean aritu ziren Hernanitik joandakoak. Izaskun Cantabellak 12garren postua erdietsi zuen. «Izugarri ibili zen, maila ikaragarria erakutsi zuen. Espainiako elite taldeko askok ez zuten amaitu, erretiratuta, eta Izaskun lehenengo espainiarra izan zen» aipatzen du Ismael Mateok. Izaskun Cantabella pozik zegoen egin zuen lasterketarekin. «Postuarekin eta amaitzearekin pozik egoteko modukoa da».
Lucio Romanek hotzaren eragina aipatu zuen. «Ongi joaten zaizkidan tarte batzutan hotzaren ondorioz ezin nuen heldu behar bezala». Hala ere denboraldia ederra izan da eta postua ere ona».
Ismael Mateo irakaslearentzako «denboraldia borobiltzea izan da. Spartan lasterketak gogorrak dira eta baldintza gogorrak bere izaeraren parte dira. Helburua hamar lehenengo postuetan iristea zen eta laugarrena oso ongi dago. Taldea erreferente da Espainia mailan eta pixkana nazioarte mailan ere bai».