Urtero bezala, Hip Hop eguna antolatu du Molotoff irratiak, eta estilo horretako musikarekin zipriztinduko du herria, bihar. Arratsalde osoan zehar arituko dira Tilosetan; euria egiten badu, aldiz, Kontrakantxa gaztetxean izango dira.
16:00etatik aurrera, festa
Arratsaldeko 16:00etan emango zaio hasiera egun berezi honi, Break Dance eta Graffiti erakustaldiarekin. Ondoren, Nathan vs SAX DJ setek jarriko dute erritmoa, Tilosetako kioskotik.
Kontzertuak gauean, Kontrakantxan
Tilosetatik Kontrakantxa gaztetxera joango dira iluntzen denean, bertan jarraituko baitu Hip Hop egunak.
Gaua girotzen jarraitzeko, hainbat kontzertu eskainiko dira bertan. Taldeen artean izango dira, hain zuzen, Rush Blacka, Agresión Verbal, Sukaldea Records, RPE, eta azkenik Dj Rask eta Sukaldea Beats DJ set hoberenarekin bukatuko da.
Ondo pasatzeko gogoa duenari gonbidapena luzatu dio Molotoff Irratiak.