Etzi jokatuko da, larunbatarekin, final zortzirenetako azkeneko saioa, Gipuzkoako Bertsolari Txapelketan. Lasarte-Orian izango da, 17:00etan Manuel Lekuona kultur etxean; eta bertan ariko da Iñaki Zelaia hernaniarra, beste bost bertsolarirekin: Aitor Salegi, Eneko Araiztegi, Mikel Artola, Oier Aizpurua eta Unai Izagirre.
Sarrerak dagoeneko eskuratu daitezke, www.bertsosarrerak.eus webgunean; eta geratzen badira, egunean bertan ere izango da aukera, kultur etxean, 16:00etatik aurrera.
Hernaniko bertso eskolako bost kide, final laurdenetan
Final laurdenetarako txartela bilatuko du Zelaiak, Iraulio Panttalone Bertso Kabiyaren seigarren ordezkaria izateko, hurrengo fasean. Dagoeneko, bost kide dauzka ziurtatuta, Hernaniko bertso eskolak.
Izan ere, joan den igandean lortu zuten pasea, Eñaut Martikorenak eta Unai Gaztelumendik, Elgoibarko saioan. Primeran aritu zen Martikorena, eta 9garren puntuazio onena dauka oraingoz. Gaztelumendik ere, ziurtatuta dauka plaza, 17garren baitago, Elgoibarren bosgarrena izanda ere. Eta joan den asteburuko puntuazioekin, matematikoki sailkatuta dago Asier Azpiroz ere, 18garren postuan.
Haiekin batera izango dira, Agin?Laburu astigartarra eta Beñat Gaztelumendi añorgarra; biak ere, aurreko edizioko finalistak.