Asteburu honetan ospatuko da Albokarien Hernaniko XXVI. Topaketa. Hortaz, bihar eta larunbatean izango da alboka hotsak entzuteko aukera, Hernaniko kaleetan zehar.
Beste urte batez, Euskal Herriko txoko ezberdinetatik etorritako albokari, pandero jole eta alboka zaleak elkartzeko aukera paregabea eskaintzeaz arduratu dira, Hernani Musika Eskola Publikoa eta Alboka Taldea, elkarlanean.
?Bizia da bittiena?, hasteko
Iñigo Lurgain polinstrumentalista donostiarrak kaleratutako azken lana aurkeztuz emango zaio hasiera, bihar, aurtengo Alboka Topaketari: Bizia da bittiena. Berak sortutako euskal dantza doinuak izango dira entzungai, musika tresna ezberdinen bitartez. Biterin izango da, eta sarrera doakoa da.
XXVI. ALBOKARIEN TOPAKETA
BIHAR, ostirala
19:30, Bizia da bittiena: Iñigo Lurgain donostiarrak bere azken lana aurkeztuko du, Biteri kultur etxean. Sarrerak doan izango dira, bukatu arte.
ETZI, larunbata
11:30, Albokari, pandero jole eta Alboka zaleen elkarretaratzea, Hernaniko udaletxeko arkupetan. 12:00, Albokari taldeen kale bueltak alde zaharreko kaletan zehar.
13:00, Ezkiaga Pasealekuan (Tilosetan) Albokaldia. Araba, Bizkaia, Gipuzkoa, Iparraldea eta Nafarroatik etorritako Albokari taldeen emanaldia. Alboka egileen azoka erakusketa bertan izango delarik. Eguraldi txarra egingo balu, udaletxeko arkupera pasako litzake guztia.
14:30, Santa Barbara Elkartean, Herri bazkaria Albokariekin.
18:00, Albokari taldeen kale bueltak alde zaharreko kaletan zehar.