Ander Amonarriz azkarrena, Kronoeskaladan

Kronoeskalada jokatu zuten larunbat arratsaldean Herna­nin, Ibaiondo poligonotik Pla­za­ra, Elkartasun Asteburua­ren barruan. Guztira, 26 partehar­tzaile elkartu zituen, Elkar­ta­sun Pedalkadak ekimenak.

Eta azkarrena, An­der Amo­narriz hernaniarra izan zen. 5:22 denboran osatu zuen ibilbidea, Ander Uzkudun bigarrenak baino minutu erdi azkarrago (5:51). Mattin Sanzbe­rrok osatu zuen podiuma (6:00), hu­rrengo biak gertu zituela: Jon?Iruretagoiena (6:02) eta Lan­der Ibarburu (6:09). 11 lagun aritu ziren, bakarkako proban.

Beste 15ak, taldekako proban aritu ziren, sei taldetan ba­natuta. Horien artean, Iñi­go Es­naolak, Jon Erdoziak eta Ai­tor Ortizek lortu zuten denbora onena (6:28).

Partehartzaile guztiek izan zituzten pintxoak, eta sagardo eta garagardoak bukaeran; eta sari berezia jaso zuen Amo­na­rrizek: Imanol Miner presoak eskuz egindako paretako erlojua eman zion Elias anaiak. Pineda harategiaren hainbat produktu ere zozketatu ziren.

«Primeran atera da, ekimen polita bezain gogorra. Elkar­ta­suna adierazteko hamaika mo­du daude, eta gaurkoan pedalei eraginez egin dugu», adierazi dute antolatzaileek.