ARGAZKI ALBUMA - Zikuñagako jaiak 2019
Gaur bukatuko dira Zikuñaga auzoko jaiak, baina egun haundia dute aurretik, hainbat ekintza berezirekin. Horietako batekin hasiko dute eguna.
Izan ere, berezia izango da gaur, Zikuñagako Amaren omenezko meza: «ia 40 urte igaro dira, Zikuñagako Amaren ermita bota zela; eta horrekin, auzoko eta herriko historiaren zati bat galdu genuen. Orain, horrenbeste urteren ondoren, galdutakoa berreskuratzeko aukera bat sortu da. Horrek ekarriko du, hernaniarron zaindariarentzat, auzoan merezi duen etxea eraikitzea. Horregatik, eskerrak eman nahi dizkiegu hau lortzeko lan egin duten guztiei», nabarmendu dute Zikuñagako auzotarrek. Eta berezia izango da meza, baita ere, emanaldia eskainiko duelako Ozenki abesbatzak, bertan.
Lehiaketa eta txapelketaz josita, azkeneko eguna
Mezaren ondoren izango da, aurtengo nobedadeetako bat: bakailu lehiaketa. Baina ez da izango eguneko lehiaketa edo txapelketa bakarra, makina bat izango baitira, egun osoan zehar: marrazkiena, toka, bote eta igelarena...
Jumpinga, puzgarriak eta apar festa ere izango dituzte gozagarri, haur eta gaztetxoek; eta dantza egiteko tarterik ez da faltako, DJ Nemuxekin. Eta eguerdian, urteroko zita mahaiaren bueltan: paellada herrikoia izango da.
Jaietako argazkien albuma ikusteko: www.kronika.eus.
GAUR, igandea
10:00, Zikuñagako Amaren omenezko meza. Emanaldia eskainiko du Ozenki abesbatzak, bertan.
11:00, Bakailu lehiaketa.
11:00-13:00, Marrazki lehiaketa.
11:00-13:00, Jumping eta puzgarriak.
14:30, Paellada herrikoia.
16:00, Apar festa.
Ondoren, Marrazki lehiaketaren sari banaketa.
17:00, Helduen toka, igel eta bote txapelketa. Arratsaldeko 16:00etatik 17:00etara eman behar da izena.
17:00-19:00, Jumping eta puzgarriak.
18:30, Txokolatada.
19:00, DJ Nemuxekin dantzaldia.
21:00, Zezen suzkoa, traka eta jaien amaiera.