Antiespeziston Topaketak, ostiraletik igandera

Hiru eguneko jardunaldiak an­tolatu dituzte aste honeta­ra­ko, Hernanin, NOR tal­de anti­espe­zistak eta Urumea Herrigu­neak. Herrigunean bertan jarri dute zita, Antiespeziston Topa­ketak egiteko, ostiraletik igan­dera; maiatzaren 17tik 19ra.

Nabarmendu dute, arrazoi ugari daudela, topaketetan parte hartzeko: «elkar ezagutu eta saretzeko, ahots ezberdi­ne­­tatik asko ikasteko, dibertitze­ko, eztabaidatzeko, konspi­ra­tze­ko, elkarbanatzeko... Berta­ra­­tzeko arrazoi anitz daude, au­keratu zurea eta apuntatu!».

Egitarau osoa ezagutzeko eta apuntatzeko, emailez

Izan ere, Antiespeziston Topa­ketetan parte har­­tzeko, beha­rrez­koa izango da aldez au­rre­tik izena ema­tea, email bidez: info@nor.eus helbide elektro­ni­kora idatzi behar da.

Eta egitarau osoa ezagu­tze­ko edota informazio gehiago jasotzeko ere, helbide horretara idatzita izango da aukera.

Hala ere, egitaraua zabaldu ez badute ere, aurreratu dute zein ekintza mota izango di­ren, bi egun horietan: hi­tzal­diak, elkar ezagutzea, taile­rrak, gaubelak, koordinazioa, kon­tzertuak, batzarrak, mahai in­guruak, zinea, jolasak, zaintza, asanbladak, konspirazioa...

Otorduak eta gauak ere, bertan egingo dituzte: «ekarri lo zakua! Jatekoa eta lo egi­te­ko tokia soberan izango da», ani­matu dituzte herritarrak.