Garayar, HASA eta TSST autobusetako langileak mobilizatzeko prest, konbenioak berritzeko

Buruntzaldeako Lu­rral­de­bus zerbitzua ematen duten au­tobus enpresetako langi­le­ak, hau da, Garayar, HASA eta TSSTko langileak «mobiliza­zio­ekin hasteko prest» agertu ziren asteazkenean Gipuz­ko­a­ko Foru Aldundiaren au­rrean eman zuten pren­tsau­rrekoan. 

LAB eta UGT sindikatuek deituta bildu ziren bertan, eta ohartarazi zuten «Dipu­ta­zioak ez diela baimenik ema­ten enpresetako hitzar­me­nak negoziatzeko, eta ez gau­dela prest hori onartzeko». 
Garayarrek Hernani, Ur­nie­ta, Andoain eta Donostia lo­tzen ditu, eta HASAk, Her­na­ni, Astigarraga eta Donostia.

«Lan baldintzak berritu gabe bi urtez»
LAB eta UGT sindikatuen esa­netan, Buruntzaldeako Lu­rral­debus zerbitzu berria behin-betiko esleitu arte, Di­pu­tazioak ez die baimenik ema­ten zerbitzua gaur egun ematen ari diren enpresei, lan hitzarmenak berritzeko. 

Horrez gain, sindikatuek diotenez, «enpresek argu­dia­tzen dutena da etorkizuneko esleipenerako prestatutako ple­guetan kontuan hartu­tako enpresa hitzarmenak dago­e­ne­ko bukatuta daudela, eta ho­bekuntza ekonomiko eta so­zialak jasoko lituzkeen lan hi­tzarmen berri bat ne­go­zia­tuz gero, Diputazioak enpre­sen asmo txarraren adie­razle gisa hartu le­za­ke­ela». Hori ho­rrela, «negoziatu ahal iza­teko Diputazioaren baimena behar dutela» al­da­rrikatzen dute, eta sindi­ka­tu­ek, berriz, azal­du dute ez du­te­la onar­tu­ko «hitzarmenak negozia­tzeko baimenik ez ematea».

Sindikatuen ustez, «Di­pu­tazioak Bu­run­tzal­de­ako zer­bi­tzu publikoa esleitzeko lehia­­keta publikoa garaiz eba­­­tzi ez izanak ondorioak dauzka». Besteak beste, «TSST, Garayar eta HASAko lan­gileen lan baldintzak be­rritu gabe bi  urtez egotea» edo­ta «autobus flota hon­da­tzea», eta ho­rre­kin, «bidaia­riei segurtasuna eta eroso­ta­suna bermatu ezi­na». Azaldu dute «arazo na­gusia» dela «aurreproiektua egin eta onartu zenetik zer­bitzua esleitu arte pasatzen den denbora tarte hori, li­zi­tazio hau martxan jartzeko 2017ko soldatak eta baldin­tzak har­tzen baitira kontuan, baina esleipena martxan jarri arte urteak pasa baitaitezke».

Azkenik, «erantzukizuna beregain har dezan» eskatu diote Diputazioari, «arra­zoi­rik gabeko Diputazioaren atze­rapenak ezin duelako lan­gile edota zerbitzuko era­bil­tzai­leengan eraginik izan». 

Ara­zoarekin bukatu eze­an, «hiru enpresetako lan­gi­leak beraien eskubideak al­da­rrikatzeko mo­bi­lizazioekin has­­teko prest» azaldu dira.