Nahasia izan zen atzoko partidua. Landaren hartu zuen Hernanik, Independiente, eta irabazteko asmoz zelairatu ziren etxekoak. Kantabriarrak ez zeuden amore emateko prest, ordea, eta lasai ere ez. Baina garaipenarekin itzuli ziren etxera, 20 eta 31(b).
Ondo hasi zen Hernani, eta aurreneko zatiko entsegu bakarra Independienterena izan bazen ere, etxekoak zeuden aurretik, atsedenaldira iristean, zigor kolpeei esker: 9 eta 7.
Bigarren zatian are hobeto aritu ziren etxekoak, eta 49garren minutuan entsegua ere eginda, 20 eta 15 aurretik zijoazten. Ordurako Independientek hiru txartel hori jasoak zituen. Hernanik jaso zuen, ordea, hurrengoa, eta gainbehera etorri zen, 60garren minututik aurrera; zigor entsegua eta beste bi entsegu eta horien transformazioekin, Independientek irabazi zuen azken 20 minutuetan, 31 puntu biltzera iritsita.
Kolpea jasota ere, aurrera egiteko prest dagoela erakusten du Hernanik beti, eta hurrengo norgehiagokarako buru-belarri prestatuko da. Ordiziaren kontra ariko da, etxetik kanpo. Ordiziak dagoeneko 5 garaipen badauzka (Hernanik 3), eta baliteke gaur, La Vilaren kontra 6garrena lortzea.