GIRO ezin hobean pasa zuten aurreko larunbata Hernaniko Eskubaloi Taldeko kideak. Hernaniko eskubaloiaren 18-19 denboraldiaren aurkezpena egin zuten eta aurten izango diren taldeak ondoko hauek dira: Infantil Neskak, HET-Sesa Tools; Infantil mutilak, HET-Sorlan; Infantil mutilak, HET-Zintzarri; Kadete neskak, HET-Alaia; Kadete mutilak, HET-Goizargi/Putzueta; eta Jubenil mutilak, HET-Anexo.
Antolatzaileen balorazioa oso positiboa izan da
Talde horietaz gain, Eskubaloi Eskolan hasi berriak diren haurren aurkezpena egin zuten. Ondoren lagun arteko bazkaria egin zuten, eta arratsaldean jaia girotzeko, jokoak, bingoa eta zozketak antolatu zituzten Hernani Eskubaloi Taldekoek. Arratsaldeko 8etan jaiari amaiera eman zitzaion eta nola ez, antolatzaileen balorazioa oso positiboa eta baikorra izan zen.