Maila eta mota guztietako ikastaroak, euskera ikasteko

Ikasturte berrirako matri­ku­la epea ireki du AEK eus­kaltegiak Buruntzaldeako he­rri guztie­tan; tartean, Her­nanin.
Maila eta mota guztie­ta­ko ikastaroak daude auke­ran, eta udaletxeetan diru-laguntzak eskatu daitezke, matrikulak ordaintzeko.

Presentzialak edo etxetik egitekoak, maila guztietan
Norberaren beharretara ego­ki­tutako ikastaroak egin daitez­ke, euskera ikasteko.
Batetik, autoikaskuntza pro­­grametan eman daiteke izena. Tutoretza zerbitzua ematen du euskaltegiak, eta programazio pertsonalizatua.
Bestetik, talde presen­tzia­le­tan eman daiteke izena. Haue­tan ere tutoreek jarrai­pen per­tsonalizatua egiten diote ikas­le­ari, baina taldean ematen dira klaseak.
Modu batera edo bestera, norberak aukeratu dezake neu­rria eta maila ere: astean bi, hiru edo lau egunetan jaso daitezke klaseak, goiz, eguer­di, arratsalde edo iluntzee­tan, A1, A2, B1, B2, C1 eta C2 mai­le­tan. Nork bere beharrak zehaz­tu ditzake, gainera: ba­tzuk HABE, EGA, IVAP, Osa­ki­de­tza edota IRALEko azter­ke­tak prestatze­ko aukera egin de­zakete; beste batzuek, da­kitena hobetzeko bai­na hitz egiteko soltura har­tzeko edo zalantza grama­ti­ka­lak argitu eta erabilera oke­rrak zuzen­tzeko. Alfabe­ta­tze­ko aukera ere badago.
Era berean, Zilegi Eskola edo Mintzalagun programen bitartez, ikasitakoa praktikan jartzeko aukera ere ematen da.

Epea irekita, izena eman eta diru-laguntzak eskatzeko
Hernaniko AEK euskaltegian ize­na emateko, hiru aukera daude: 607 592 864 tele­fonora deitu; herna­ni@aek.eus helbi­de­ra idatzi; edo Larramendi kalea 11ko bule­gotik pasa, aste­lehen, asteazken eta osti­ra­letan 09:00etatik 13:00etara, edo astearte eta ostegunetan 17:00etatik 19:00etara.
Diru-laguntzak, berriz, Her­naniko uda­letxean eskatu di­tzakete ikasleek. Matri­kularen %70 eta %90 artean ordain­tze­ko adina jaso daiteke.