Ibane Aizpurua hernaniarra Kolonbiara bidean gaur, «20 egun solidario» egiteko

Bilbotik abiatu eta Bogotara iritsiko da gaur, Ibane Aizpu­rua Perez hernaniarra; eta ber­tan egongo da irailaren 23ra arte, Bada beste mundu bat egi­tasmoarekin. «20 egun soli­da­rio» izango dira, Laboral Kutxa eta Mun­dukide antolatzaileek aurreratu dutenez.

Beste bederatzi gazterekin batera joango da Aizpurua, bai­na 870 lagunek eman zuten ize­na, programan parte har­tze­ko: 100 lagunera murriztu zuten zerrenda zozketa bidez, eta horietatik 10 aukeratu zituzten, elkarrizketa pertso­na­len ondoren.

Nariño departamenduan barrena, makina bat ekintza
20 egun horietan, Nariño de­partamendua ezagutuko dute. Bogotan pasako dute biharko eguna, eta Pastorako bidaia egingo dute etzi. Hortik aurre­ra, makina bat ekintza dauz­ka­te aurretik: nekazaritza eko­logikoko prozesuen ibilbidea (Chachagüí herrian); kafearen ibilbi­dea (Arboleda, La Union eta San Lorenzo); San Juan de Pasto hiria; arbasoen ingu­ruko turismo ibilbidea (Pasto); San Felipe eta Arguello (Ya­cu­an­quer); Las Lajas santutegia eta Tulcan hiria (Ipiales); eta El Motilon (Pasto). 

Hilaren 23an hartuko dute bueltako he­gaz­kina, Bogotan, 24an Bilbora iristeko.