Hernanitik Donostiara joan izan dira musikariak orain arte, eta gaur Donostiatik Hernanira egingo du salto Musika Hamabostaldiak.
Hain zuzen, Organo Zikloari dagokion kontzertuetako bat eskainiko dute San Joan Bataiatzailea elizan; arratsaldeko 20:00etan hasita izango da, debalde.
Fauré, Franck, Duruflé, Mahler... bezalako musikarien obrak eskainiko dituzte gaur, besteak beste.
Bi emakumezko, protagonista
Gipuzkoako bi musikari ezagunek eskainiko dute gaurko emanaldia: Loreto Fernandez Imaz organo-joleak eta Ainhoa Zubillaga mezzosopranoak.
Entzuleek gozatzeko moduko programa osatu dute bion artean, organoa oinarri dela.
Besteak beste ondorengo musikarien obrak eskainiko dituzte: Fauré, Franck, Duruflé, Mahler…
Hortaz, maila artistiko altuko, eta zailtasun tekniko haundiko kontzertua izango da Fernandez Imaz eta Zubillagak eskainiko dutena.
Sarrera librea izango du emanaldiak, musika gustoko duten hernaniar eta herritarrei eskainitakoa.