‘Aupa Etxebeste!’, bihar Sandiusterrin

Dobera Eus­kara Elkarte­a­ren Zinea Euska­raz! egitasmoak Aupa Etxebeste! pelikula ja­rriko du bihar, arra­tsal­deko 18:30etatik aurrera, San­dius­terriko aretoan. Sarre­ra de­balde da, eta nahi duenak bo­rondatea eman dezake.

Aupa Etxebeste! filma 2005ean aurkeztu zuten Asier Altuna eta Telmo Esnal zuzen­dariek.  Komedia hau 12 urtez eus­keraz egin zen lehen­da­bi­zi­ko filma da. Hori zela eta, arrakasta haundia izan zuen Euskal Herrian zein nazio­ar­tean.

Filman Patrizio Etxebeste, txapelak egiten dituen en­pre­saburu eta alkategaia, zeukan diru guztia xahutu duela konturatzen da. Horrexegatik, familiak ezin du Marbellara opo­rretara joan urtero bezala. Herriko inor hortaz kontura ez dadin itxurak mantendu be­harko dituzte, hilabete osoa etxean sartuta geldituz. Honek elkarrekiko harremanetan era­gina izango du.
‘Agur Etxebeste!’ grabatzen hasiko dira udaran

Egun, 13 urte beran­duago, haren bigarren zatian lanean ari direla aurreratu dute.  Agur Etxebeste! izena ja­so­­ko du oraingoan, eta uda par­­tean hasiko dira gra­ba­tzen.