Ostiralean hasi eta atzo lehertu zen festa giroari, gaur emango diote bukaera, Florida-Etxeberri auzoko Mendekoste Jaietan. Gaur izango da urteroko zita nagusienetako bat, haurren danborrada. Baina aurten, beste ekitaldi berezi bat izango da; jaietako momenturik bereziena, beharbada: omenaldia egingo diote Alejandro Sanchez Gil zenari, danborradaren aitari: «danborrada zen bere pasioa; eta haurrak, oso inportanteak berarentzat», nabarmendu dute. Horregatik, oso berezia izango da gaurko haurren danborrada, eta segidan egingo dioten omenaldia.
Atzokoan, ederki gozatu zuten haurrek, mota guztietako jolasekin eta apar festarekin; eta baita helduek ere. Tortilla lehiaketa Etxeberri tabernak irabazi zuen; eta ondoren, 500 lagun inguru elkartu ziren, paella-jate herrikoian.
GAUR, Florida-Etxeberrin
11:00, Meza nagusia, hildakoen omenez.
11:00, Haurren danborrada.
12:30, Alejandrori omenaldia.
12:30, Sagardo dastaketa, txarangarekin batera.
14:00, Errifaren zozketa.
14:30, Jaien amaiera eta azken traka.