Palistek hasiko dituzte pelotarien asteburuko lanak, baina denak ibiliko dira lanpetuta. Herriartekoa izango da txapelketetako bat, baina ez bakarra.
Herriartekoa eta Estatukoa
Palan, Herriartekoa jokatuko da gaur, 20:30etan Deban. Joanekoan 3 eta 0 irabazi zuen Hernanik. Bihar, berriz, Mendillorrin Estatuko Trinkete Txapelketan ariko da, Miren Goikoetxeak, Ariane Arrietak eta Maider Mendizabalek ordezkatuta, Auñamendiren kontra, 10:00etan.
Euskal Herriko Trinkete Txapelketa ere asteburuan hasiko da, baina Hernanik atsedenerako tartea izango du. Bestalde, datorren asteburuan Espainiako 30m-ko lehian ariko dira Amaia Irazustabarrena eta Maider Mendizabal.
Herriartekoa, eskuz ere
Eskuz, berriz, Herriarteko lehian sartuko da bihar Hernani final zortzirenetan. Altzon ariko dira, 17:00etan. Euskal Herriko Trinketean, bestalde, Iruran izango dute zita hernaniarrek bihar, 16:30etan.