Ainara Ortega abeslari eta aktore hernaniarra da Xake Produkzioak taldeak sortutako Mami Lebrun antzezlaneko aktoreetako bat, eta XVIII. Donostia Antzerki Saria jasoko du obra honek asteartean, Antzerkiaren Nazioarteko Egunean, 19:30etan Victoria Eugenian. Ondoren, berriro ere obra antzeztuko dute Ortegak, Kepa Errasti aktore eta gidoigileak eta Ane Pikaza aktoreak, Getari Etxegarairen zuzendaritzapean, Xabier Ormazabal zuzendari laguntzaile lanetan ari dela. Donostiako Udaleko Euskara Zerbitzuak eta Donostia Kulturak ematen dute sari hau, aurreko urteko lan onena saritzeko; guztira, 19 lanen artean aukeratu dute Mami Lebrun. Ekitaldiaz eta emanaldiaz gozatzeko, gonbidapenak eskuratu behar dira.