Lehiaren Euskal Agintaritzak iragarri zuen urte bukaeran, egindako ikerketa batek ondorengoa baieztatu duela: «Gipuzkoan gutxienez 1988tik zebilen enpresen eta elkarte profesional baten kartelak, prezioak ebatzi eta ibilbideak banatzen zituen».
Hamazazpi enpresa eta elkarte, zigortuta
Gipuzkoako Bidaiarien Garraioaren espediente zehatzailearen ebazpenak (www.kronika.eus webgunean irakurgai) jakinarazten duenaren arabera, «zehapenak (edo zigorrak) ezarri dizkie 17 enpresa eta elkarteri milioi bat euro ingurura iristen delarik zenbatekoa».
Tartean dago Autobuses Garayar, S.A enpresa hernaniarra; Kronikak enpresarengana jo duen arren, oraingoz ez du baloraziorik egingo eta errekurtsoa prestatzen ari da. Kasu honetan, Hernaniko enpresaren kasuan, 47.940,27 euroko zigorra jarri dio Lehiaren Euskal Agentziak.
Ikerketa, 2015etik martxan
2015ean hasi zuten ikerketaren emaitza da oraingoa: «errepideko bidaiarien garraio merkatuan gertatutako arau-hauste posible baten ezaguera izan ostean, nagusiki Gipuzkoan. Informazioaren azterketa zehaztua lehiaren falta adierazgarria zen, hau dela eta, epaitegiak ikuskapen agindu desberdinak eman zituen. Hauek enpresetara eta elkartera sartzea ahalbidetu zuten, eta gutxienez, 1988tik 2015era eman zen arau-hauste etengabekoaren existentzia egiaztatzen duten probak eskuratu», azaldu dute.
Enpresa «errebeldeei, boikota»
Ikerketa horrek egiaztatu du, hain zuzen, «AVITRANSen barruan, Gipuzkoako Bidaiarien Hiriarteko Garraio Enpresa Elkartea, zerbitzuen prezioak hitzartu eta ibilbideak banatu zirela, hitzarmen hau betetzen ez zuten enpresa errebeldeei boikota eginez, gainera».
Gertatutakoak, bidaiariengan eragina izan zuela adierazi du Lehiaren Euskal Agintaritzak: «praktika hauek eskaintzen zuten zerbitzuen garestitzea suposatu dute, honek erabiltzaileengan duen kaltearekin eta beste enpresa batzuen merkaturatzearen ixtearekin».
Izan ere, «zehatutako enpresak egindako eta azaldutako jarraibideak, errepideko bidaiarien garraioen merkatuko segmentu desberdinei eragiten die, bai lizitazio publikoetan, baita talde pribatuetan ere, plan bakarra eta patroi bera jarraitzen dutenak, non helburua salneurrien zehazpena eta jarduten zuten merkatuko garraio zerbitzuen banaketa zen», ebazpenak dioenez.
ZIGORTUTAKO ENPRESAK ETA KOPURUAK
- AVITRANS: 20.000,00 €.
- AUTOCARES AIZPURUA, S.L.: 127.332,55 €.
- ALUSTIZA BIDAIAK, S.L.: 23.902,85 €.
- ARTEONDO AUTOBUSAK, S.L.: 20.062,80 €.
- AUTOBUSES URBANOS IRUN FUENTERRABIA, S.L.: 75.846,37 €.
- AUTOBUSES GARAYAR, S.A.: 47.940,27 €.
- ESCUDERO HERMANOS S.L.: 5.446,74 €.
- AUTOCARES IPARRAGUIRRE, S.L.: 49.281,51 €.
- BENGOETXEA AUTOBUSAK, S.A.: 19.396,93 €.
- AUTOCARES DIEZ, S.L.: 44.941,56 €.
- GOIERRI BUS, S.L.: 41,435.77 €.
- GOIERRIALDEA, S.L.: 53.394,95 €.
- GURE BUS, S.A.L.: 20.472,54 €.
- J. APAOLAZA AUTOBUSAK, S.L.: 14.469,24 €.
- TRANSPORTES PESA, S.A.: 277.800,OO €.
- TOLOSALDEA BUS, S.L.: 77.071,59 €.
- UNITRAVEL S.L.: 3.125,79 €.
- AUTOCARES URPA, S.L.: 9.572,99 €.