17 ekoizleren postuak, bihar

Loreak eta landareak izango dira protagonista, bihar goizean, Urbieta kalean. Izan ere, laugarrenez jarriko dute Lore eta Landare Azoka berezia.
Goizeko 10:00etan zabalduko dituzte postuak, eta eguerdiko 14:30etara arte egongo di­ra bertan. Guztira, 17 ekoizlek ja­rriko dute postua: lore eta landare naturalak ekarriko dituzte batzuek, kosmetikako eta me­dikuntza naturaleko produktuak beste batzuek, eta bai­ta lore eta landareekin egindako artisau lanak ere. Horietako hiru, hernaniarrak izango dira: Ka­ra­beleko, Irusta eta Mendi Lore. Eta Loraldi astigartarra ere ber­tan izango da.

Hiru tailer, haurrentzat
Postuez gain, hiru tailer ere jarriko dituzte, haurrentzat: egurrarekin eskulanak egiteko bi, eta lore prentsatuarekin orri markatzaileak egitekoa.