Bakarlari gaztetxoen emanaldi berezia, igande honetan

Berritzailea bezain berezia izango da, igande honetarako Hernaniko Musika Bandak prestatu duen kontzertua.
Bakarlari gaztetxoak izango dira protagonista, 14 gazte guztira; eta Musika Bandaren lagun­tzarekin, 10 obra eskainiko dizkiete entzuleei.

Bi obraren estreinaldia
10 obra horietatik bi, gainera, kontzertuan bertan estreinatuko dituzte: El Nano de Cór­doba pasodoblea, Mikel Mate Donostiako musika eskolako zu­zendari eta Musika Bandako ki­deak idatzia; eta Joxe Ramon, Joxemari Oiartzabal tronpetako katedradun eta konposa­tzai­le­ak, Joxe Ramon Berrondo tronpetalari gazteari idatzitakoa.
Gehiengoa dira hernaniarrak, kontzertuan joko duten 14 bakarlarietatik. Hauek dira joko duten guztiak: Manex Za­ba­le­ta, Ane Telletxea, Joseba Kor­ta, Elene Lizeaga, Enara Arruti, Julen Beraza, Mirari Ucin, Bittor Karrera, Eneko Sota, Joxe Ramon Berrondo, Oier Parada, Sara Otaegi, Iker Lizartza eta Amaia Azkue. Haien esku­e­tan, hainbat musika tresnak hartuko dute protagonismoa, ban­daren gainetik: pianoak, akordeoiak, saxofoiak, tronpetak, oboeak, tronboiak eta txistu­ak; eta baita ahotsak ere.