«’Bikarrizketa’ da barre egitea, barre egiteagatik»

Kronika - Erredakzioa 2017ko urt. 21a, 01:00

Bikarrizketa izenburupean, ikus­­kizuna eskainiko dute Tel­mo Irureta eta Haritz Mo­rrás gaz­teek ostegun hone­tan, arratsaldeko 19:00etan, Biteri kultur etxean. Sarrera doan izango da, baina aurrez, gon­bidapenak eskuratzeko au­kera izango da Kronikan ber­tan.
Koxkak, Hernaniko des­gaita­suna duten pertsonen el­kar­teak, gonbidatuta igoko di­ra Hernaniko oholtzara, eta horren inguruko xehetasunen berri emateko, prentsaurrekoa eman zuten Koxka elkarteko kideek, Begoña Simonek eta Kike Parrak, eta ikuskizuneko prota­gonistek.

Bi pixukideen arteko harremana
Gaizka eta Xanti pixukideen arteko harremana kontatzen dute Irureta eta Morrásek Bikarrizketan. Etxea garbitu nahi dute, batez ere batek, eta horren inguruan hasten da emanaldia; azkenean ez dute garbitzen, izan ere, Iruretak berak onartu duenez: «bik ez dute garbitzen, batek ez badu nahi».
Tartean, era askotako gaiak azaleratzen dituzte, «gai nor­malak puntu komiko batekin», azaldu dute biek: txikitako ametsak eta oraingoak nola aldatzen diren, EGA azterketa... denetarik!
Azken finean, Haritz Mo­rrás­­­­en hitzetan, «Bikarrizketa da barre egitea, barre egitea­gatik». Eta jarraitzen dute: «txikitatik ezagutzen diren bi lagun dira Gaizka eta Xanti, antzerki zaleak dira biak,  eta horregatik, obra guztian zehar tontoarena egiten pasatzen dugu».

Sarrera doan da, baina aurretik erreserbatzea gomendatzen du Koxka elkarteak; Kronikan bertan egin ahal izango da hori. Egunean bertan Biterin izango dira.

Feeling berezia, bi lagunek
Urteak dira Telmo Irureta eta Haritz Morrásek elkar eza­gu­tzen dutela: «Donostiako an­tzer­ki eskolan hasi ginen el­karrekin, eta bertan izan ginen hiru urtez. Han geundenetik argi genuen zerbait egin nahi genuela elkarrekin, izan ere, feeling berezia izan dugu hasieratik», azaldu zuen Morrásek.
Horrela sortu zen, hain zuzen, asteaz­kenean Biterin eskainiko duten ikuskizuna. Ez da, ordea, eszenatokira eramaten duten aurreneko aldia: Donostiako Akuariume­an eta Tabakaleran, Lasarten, Tolosan, Zumaian... izan baitira lehenago.

Euskera erraza, denek ulertzeko modukoa
Ikuskizuna euskeraz dela nabarmendu dute, baita ere. Dena den argitu dute euskera errazean dela, denek ulertzeko modukoa: «eta beste hizkun­tzetako esaldiak ere sartzen ditugu, ia konturatu gabe!»

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!