Hildako senitarteko eta lagunak gogoan, gaur

Egun seinalatua da gaurkoa: Santu Guztien Eguna. Falta di­ren senitartekoak, lagunak, eza­gunak... izango dituzte go­go­an hernaniarrek. Lore eskaintza ohikoa izaten da gaurko egunez; hilerria kolo­rez janzten da he­rritarrek ematen dituzten lore sorta eta zen­troekin. Egunean bertan egiten dute gehienek hi­le­rrirako bidea; izaten da ordea, aurretik dena prest izatea gus­tatzen zaionik: panteoia edo ni­txoa txukundu, lorez jantzi... Atzo mugimendua nabari zen herriko loradendentan, eta baita Mokokoek ar­kupetan jartzen duten pos­tuan ere.
Elizan ere, egun seinalatua izaten da gaurkoa. Hildako guz­­tien omenezko mezak izan­go dira herriko lau elizetan: 09:00­etan Agustinetan; 10:00­etan Ereñotzun, 11:00etan Flo­ridan; eta 12:00etan San Joan Bataiatzailea parrokian.