Euskotren Ligatik kanpo, baina onenetatik gero eta gertuago

Ia ezinezkoa zirudiena ez da posible izan, eta Euskotren Li­gatik kanpo geratu da Her­na­niko Maialen trainerua. Baina penatarako baino gehiago, oso pozik egoteko moduan daude Hernaniko Arraun Elkartean. Gora eta gora ari da egiten Ma­ialen, eta asteburu honetan erakutsi du, aurreko traine­ru­en mailara gerturatzen ari de­la. Larunbatean, gainera, Ge­taria-Zarautzen pare ibili zen, eta atzetik utzi zuen Arraun-Lagunak. Atzo Donostian, or­dea, ez zuen aldeko izan zortea, eta arraun bat hautsita, aurretik izan zituen biak, zaz­pigarren sailkatuta. Baina ez ziren aparte izan: Getaria-Za­ra­utzek, ha­ma­hiru segundu­tan hobetu zuen berea.
Gorako bide horrekin, Gi­puz­koako Ligan jarraitu behar­ko dute hernaniarrek. Seiga­rren pos­tura igo dira asteburu ho­netako emaitzekin, Deustok ez baitu parte hartu bi estro­pa­detan. Hu­rren­go zita, larun­ba­tean Orion.