CHERTAT eta lehoia, Dobera Euskera Elkartearen ipuina kalean da. Saharako istorio bat kontatzen da ipuinean, eta berrikuntza da, euskeraz eta Saharako hizkuntzan dagoela idatzia. Liburu honetan, Doberak Abdi Ami Omar margolari sahararrarekin batera egin du lana, beraren eskutik ezagutu baitu ipuina.
450 neska-mutilei, ipuin bana
Ipuina kalean izanda, Doberaren nahia da Saharatik Hego Euskal Herrira etorri diren 450 neska-mutilei ipuin bana oparitzea. Doberak 50 emango ditu, eta beste 400ak banatu ahal izateko laguntza behar du. Herritarrek 30 euroko partizipazioak erosi ditzakete, ipuina lortu eta beste bat Saharako ume bati emateko.
Liburua erosi nahi duenak ere, badu aukera Doberaren bulegoan (Larramendi, 11). 15 euroan dago; bazkideek 12 euro.
Tolosan, irakurketa
Saharatik etorri diren neska-mutilak agurtzeko ‘Agur festa’ antolatu dute ostiralean Tolosan. Bertan, afalostean (21:45) ipuina aurkeztu eta irakurriko zaie Saharako umeei.