Donostiako Aste Nagusiaren barruan, Gaua piztu lasterketa antolatu zuen Bera Bera elkarteak larunbatean. Aurreneko edizioa izan zen, eta parte hartu zuten 246 korrilakariek 5 kilometroko bidea egin zuten: Udaletik Haizeen Orraziraino, joan-etorria. Lasterketa berezia izan zen, izenak berak dioen moduan, gauean jokatu baitzen. 00:50etan abiatu ziren korrikalariak, tartean, zortzi hernaniar. Hodei Mayoz eta Anne Arbelaitz izan ziren bizkorrenak, 21 eta 88garren postuan helmugaratuta. Beste seiak izan ziren: Julen Arana (42), Andone Marin (113), Maria Luisa Lizarralde (167), Ana Rodriguez (212)
eta Garbiñe Zabala (222).