Partiduko irabazle, Gazte Asanblada

Goñi IIak joku ona erakutsi zuen atzo, eta Mikel Elolarekin batera, 22-16 irabazi zieten Ojuel eta Gorrotxategiri. Jendeak txoratzen txalotu zituen Oronozko aurrelariaren ezker gantxo, kolpe, katu-salto... eta oihuak. Aurretik, Esnalek eta Oiagak irabazi egin zieten Koka eta Ezeizari, lauterdian, 22-19, eta partidu polita eskaini zuten laurek ere. Aspaldi ez bezala bete zen atzo Hernaniko frontoia; leporaino. Ondoren, luntxa eta kontzertua; eta antolatzaileak pozik, beraiek izan baitziren atzoko benetako irabazleak.