Olentzero, errondak, Gabon kantak... Hernani girotzen ibili dira aurten ere herritarrak

Herenegun, abenduaren 24arekin batera, Olen­tzero iritsi zen Hernanira opariz gainezka, urtero bezala etxez etxe banatzeko prest. Eta hori egun osoan zehar nabaritu zen, goizetik hasi eta afalordura arte Olen­tze­rorekin kale bueltak, errondak eta kantuak izan baitziren nagusi. Goizean, Hernaniko ikas­­tetxeetako ikasle eta irakasleak ibili ziren kaleak giro­tzen. Horrez gain, az­ken orduko opariak egiteko aukera ere jarri zuten Gazte Asanbladakoek, Truke Azo­­ka antolatu baitzuten. Arratsaldeko lehenengo orduan, berriz, etxez etxe, baserriz baserri eta sagardotegiz sagardotegi ibili zi­ren hainbat herritar Her­nanin, Bertso Eskolako ki­de­­en es­kutik, eta Ereño­tzun. Arratsaldean, baita ere, ez ziren falta izan Gabon kantak. Kantuz Abesba­tza­ko kideak kalez kale ibili ziren Kaxkoan barrena, eta Parro­kiko Abesbatzak emanaldia eskaini zuen. Afaldu aurreko azken ordua, be­rriz, Musika Ban­dak girotu zuen. Gabonetan ere Euskal Preso Politikoak eta iheslariak gogoan izan dituzte senide, lagun eta herritarrek. Euren eskubideen aldeko aldarrikapenak kalera atera zituzten arratsaldean Olen­tzerorekin eta egun osoan zehar elkartasun mariskadarekin.