«Entrenatzeko gogoa eman dit Xenpelarko txapelak»

punturik onenean ez egonagatik, bertsotan izugarri eginda, txapela jantzi zuen Agin Rezola astigartarrak, as­teazkenean, Xenpelar Sari­ke­tan. Hernaniko Bertso Es­ko­lako kideak, gazte sariketa onen­tsuena irabazi zuen, beste promesa haundi batzuei au­rrea hartuta. Bigarren Aitzol Barandiaran ataundarra geratu zen. Hasie­ratik hartu zien gaina Re­zolak gainerakoei; ofi­zio­­­tan aritu zen lasaiena, bai­na bakarka ere lan ederra egin zuen. Bat aukeratzekotan, pun­tu eran­tzunean botatakoa: [Jen­de askok kirola ez dau­ka gus­to­ko:/ izarditzeak baitu, hamaika oztopo/txikia nintzanetik, iya ume moko/banekien ez nula, kiroletik joko]. Datorren udaberrian hasiko da Gipuzkoa­ko Txapelketa, eta Rezolak aitortu dio Kronikari, buruan txapelketa hori daukala. «Txapel ho­nek, batez ere animoa eman dit Gi­puzkoako txapelketa prestatzeko».