Iratxera egun pasa: bixita, bazkaria... eta dantza saio ederra

Ez dira kamutsak Herna­ni­ko Goiz Eguzki jubilatu etxeko kideak. Joan den azaroaren 28an ere, 70 lagunetik go­ra joan ziren Nafarroako bazterrak bisitatzera. Goi­zean atera, eta arratsaldera bitarte, ikusi zituzten Lizarra inguruko txokoak: Iratxeko hotelean hamaiketakoa egin, San Gregorioko basilika iku­si, Los Arcosen, eta ondoren Lizarra ikusi zuten. Eguer­dian, bazkaria hotelean zain zeukaten, eta han sabelak ondo beteta, festa egin zuten: dantza saioa, eta bingoa, indarrak eta xoxak bukatu arte. Urtean bidaia bat baino gehiago antolatzen ditu Goiz Eguzkik, eta koadrila haundia animatu ohi da beti.