Leire Goñi
Horrelako kasuak izaten dira tarteka. Ohiko kontsumitzaileak gara guztiok, eta eguneroko salerosketetan, tarteka, izaten dira kontsumitzailearen eta saltzailearen arteko desadostasunak. Iruzur egiten digutela sentitzen dugu batzuetan.
Horri aurre egiteko Hernaniko, Astigarragako eta Urnietako biztanleok badugu nora jo, KIUB, Kontsumitzaileentzako Informaziorako Udal Bulegora, alegia.
KIUBen zerbitzua
Alde batetik, kontsumoaren inguruko informazioa ematea du helburu KIUBek. Horretarako, merkatu-kontrola oinarri duten ikuskapen txostenak argitaratzen ditu urtero. Txosten hauetan, bi kanpaina mota desberdinetan aztertutakoa jasotzen dute: lagin-hartze kanpainetakoa eta alerta sareetakoa.
Lagin-hartzea produktu jakin baten inguruko informazioa biltzeko egiten da. Hiru pausu nagusi izaten ditu prozedura honek. Lehenik, oharkabean produktu bat aukeratzen da, eta produktu horren hiru unitate hartzen dira. Jarraian, horien inguruko akta bat egiten da. Eta azkenik, ale bat laborategira bidaltzen da azter dezaten, beste bat Eusko Jaurlaritzan gordetzen da, eta hirugarrena fabrikatzaileari edo inportatzaileari ematen zaio gorde dezan. Modu honetan, urtero hainbat produkturen informazioa lortzen da, kontsumorako arauak betetzen dituztela ziurtatzeko.
Alerta sareak berriz, erreklamazio baten ostean jartzen dira martxan. Produktu baten inguruko alerta Europako Erkidegoko edozein lurraldetatik etor daiteke. Kasu honetan, arriskua izan dezakeen lurraldeko kontsumo arduradunak alerta piztu duen produktuaren fabrikatzailearekin harremanetan jartzen dira bezeroen zerrenda eskatzeko. Bezeroak identifikatuta, hauen lurralde-ordezkaritzara bidaltzen da alerta sarea, eta ikuskatzaile bat establezimendura bertara gerturatzen da, produktua salgai dagoen ala ez egiaztatzera eta agindutako prozedura martxan jartzera; hala nola, salmenta geldiarazi, produktua banatzaileari edo egileari itzuli edota produktua txikitzera.
Aurrez aurreko arreta
KIUBek eskaintzen duen zerbitzuen artean aurrez aurreko arreta da ezagunena eta kontsumitzaileentzat gertukoena. Hernaniko, Astigarragako eta Urnietako biztanleentzako zerbitzua da eta telefonoz (943 55 78 54), fax bidez (943 55 74 61), emailez (marian-o@hernani.net) ala bulegora gerturatuta (Sandiusterri kalea 1) jar gaitezke kontaktuan.
Informazioa eskaintzea helburu badu ere, salerosketetan sor daitezkeen gatazkak konpontzeko bitartekaritza lana ere egiten du KIUBek.
Kontsumoaren inguruko edozein zalantza argitzeko, kontsula edo informazio eskaera egin daiteke bertan. 2009ko datuen arabera, 502 duda argitu zituzten hainbat hernaniarrek, gehienak energia eta telefoniaren ingurukoak.
Behin informazioa eskuratuta, erreklamazioa ere bertan egin daiteke. Lehengo urtean, 213 erreklamazio egin ziren Hernanin, hauek ere, energia eta telefonia ingurukoak gehienak. Kontsumitzaileak profesional, merkatari edo zerbitzu-emaileari erreklamazioa jartzerakoan, KIUB bi alderdientzat egokia izango den konponbidea ematen saiatzen da.
Azkenik, bitartekaritza lanak helburua lortu ez badu, hau da, bi alderdien arteko arazoa konpontzeko adostasunik lortu ezean, arbitraje-prozedura jartzen da martxan. Modu honetan, gatazkari irtenbidea ematea bilatzen da, bide judiziala ekiditeko eta prozesua azkartzeko.
Arbitraje prozedura
Lehendik Euskal Autonomia Erkidego osoan martxan dagoen zerbitzua bada ere, urrian Hernaniko hainbat merkatarik arbitraje-prozedurari lotzeko informazioa jaso du KIUBen eskutik. Sistema honek, herritarren eta merkatarien arteko harremanak hobetzea du xede.
Sistema honetan parte hartzen duten enpresa, merkatari edo zerbitzu-emaileek segurtasuna eskaintzen diete kontsumitzaileei, desadostasunik sortuz gero, prozedura martxan jartzen baita zuzenean.
Sei pausu nabarmentzen dira bertan. Kontsumo Arbitraje Batzordeak kontsumitzaile batek jarritako erreklamazioa jaso bezain laster, enpresari jakin arazten dio. Ondoren, bi alderdiak akordio batera irits daitezen saiatzen da, bide judiziala baztertuz. Bi alderdiek hitzarmen bat adostea lortzen badute, arbitraje-sistema martxan jartzen da automatikoki. Behin sistema martxan jarrita, bi alderdiek beren alegazioak eta nahiak aurkezteko aukera izango dute. Jarraian frogak biltzen dira. Azkenik, arbitraje-laudoa deritzon erabakia aurkezten du arbitraje batzordeak. Erabaki hau bi alderdiek nahi eta nahi ez bete beharko dute, epai judizial baten balio bera baitauka. Baina sistema honen bidez, bide judiziala hartuta baino gastu eta denbora gutxiagoan lortuko da konponbidea, bataz besteko 3 hilabete behar izaten baitira prozesu osorako.
2009KO DATUAK
Hernanin
- 502 kontsulta. Horietatik gehienak energia (%18) eta telefonia (%18) arloetan.
- 213 erreklamazio. Horietatik gehienak telefonia
(%40) eta energia (%23) arloetan.
Urnietan
- 76 kontsulta. Horietatik gehienak telefonia (%26) eta energia (%12) arloetan.
- 35 erreklamazio. Horietatik gehienak telefonia (%46), energia (%12) eta altzarien (%12) arloetan.
Astigarragan
- 51 kontsulta. Horietatik gehienak saltoki handien (%31) inguruan.
- 10 erreklamazio. Horietatik gehienak telefonia (%20) arloan
ARBITRAJE-SISTEMAREN ABANTAILAK
Kontsumitzailearentzat
- Sistema sinplea eta azkarra da, eta bide judiziala ekiditea ahalbidetzen du.
- Epai judizialek behar izaten duten baino denbora-tarte laburragoan epai baten balio bera duen laudoa ematen da.
- Zerbitzua doakoa da.
Enpresentzat
- Kontsumitzaileari berme handiagoa eskaintzen zaio, eta beraz, bezeroen konfiantza lortzen da.
- Sistemara atxikita daudela ziurtatzen duen bereizgarri ofiziala ematen zaie, eta publizitatean gehitu dezakete.
- Auzi judizialak saihesten ditu.
- Arbitrajeari atxikitako enpresen errolda publikoan agertzen dira.
HERNANIN ARBITRAJE SISTEMAREKIN BAT EGINDAKO ENPRESAK:
Agapita Gomez Yustino,S.L.
Agustina Fernandez Trigo
Aitor Urrutia Pagola
Alaitz Lopez Garcia
Alberto Arenales Otermin
Amboto,C.B.
Amparo Minguez Casabal
Amparo Olazabal Etxeberria
Ana Iglesias Sanchez
Ana Isabel Altolaguirre
Ana Mª Ondarra Uriarte
Andrekale35,C.B.
Andres Barrantes Solis
Ane Mitxelena Lekuona
Antonio Fernandez Delgado
Arancha Closa Armendariz
Arantxa Arrizabalaga
Arantxa Garaikoetxea
Arantxa Larrañaga Aramburu
Arantxa Santa Cruz Izaguirre
Asuncion Esnal Muguruza
Auto - Electricidad Larrea,C.B.
Auto Servicio Gain,S.L.
Autoescuela Hernani
Benito Giraldo Merideño
Bilinbolo,S.L.
Biurtu,S.A.
Carrocerias Kepa,S.L.
Carrocerias Landare,C.B.
Censa,S.A.
Christian Caro Alvaro
Clara Urretxu Lopez
Cofruit,S.L.
C. Electronicos Tecnomega,S.L.
Constru. Metalicas
Aramburu,S.L.
Corella Gestion,S.L.
Cristina Descarga Aguirre
Damiana Moriana Lopez
Damiana Moriana Lopez
Daniel Beldarrain Eizmendi
Distisabel,S.L.
Electricidad Kelma,S.L.
Emilio Campos Mayor
Enma Ortiz Gonzalez
Eroski,S.Coop.
Eroski,S.Coop.
Estacion De Servicio
Carabel,S.L.
Esteban Javier Echarri Arraras
Etxe Tresnak Amegar,C.B.
Etxe Tresnak Amegar,C.B.
Evelia Martin Sanchez
Felix Alberdi Erice
Graficas Hernani,S.Coop.
Hermi Electrodomesticos,S.L.
Hernani Bidaiak,S.L.
Hernani Finkak,S.L.
Hitzak,S.L.
Ibon Iriondo Goenaga
Ignacio Etxaniz Manterola
Ignacio Grijalba Y Otra,C.B.
Industrias Erce,S.A.
Inmobiliaria Mendaur,C.B.
Iñaki Alkorta Lopez De Luzuriaga
Iñaki Usandizaga
Iratxe Berasaluce Arrizabalaga
Irene Hernandez Zuñiga
Iturain & A. C. Group,S.L.
Itxastele,S.L.
Izaskun Iturrioz Sarasua
J. Dorronsoro Okindegia,S.L.L.
Jaione Zubeldia Telletxea
Jessica Iraregui Cubillo Y
Otra,C.B.
Jose Alvarez Pajardo
Jose Angel Esteban Lopez
Jose Angel Fidalgo Erbina
Jose Antonio Milla Almagro
Jose Antonio Palacios Exposito
Jose Antonio Torres
Jose Luis Berasategui Lamas
Jose Manuel Elizalde,S.A.
Jose Manuel Gonzalez Vaquero
Jose Manuel Irigoyen Irizabal
Jose R. Martinez De San Vicente Ganuza
Jose Victor Insausti
Josebe Ezkati Igarzabal
Josune Errazkin Valdes
Juan Antonio Izmendi
Iparraguirre
Juan Jose Izkorbe Lujanbio
Julian Collado Etxeberria
Juliana Manchado Hueso
Karmele Mugika Uzkudun
Katy Chaparro
Lagunak Autoeskola,S.A.L.
Leokadisti,C.B.
Looking,S.L.
Lourdes Camarero Nuñez
Luis Garcia Ibañez
Luis Maria Zerain Lizeaga
Luisa Exposito Maestre
M. Angeles Marzal Cebollero
Mª Carmen Labaca Reizabal
Mª Concepcion Arruarte Lasa
M. Cruz Muguruza Hidalgo
Mª Gorjon,S.L.
Mª Isabel Casco Costa
Mª Jesus Eizaguirre Eizmendi
Mª Josefina Sainz Puente
Mª Rosario Michelena Alzuri
Maite Iradi Gorrotxategi
Maite Marin Urien
Maite Santana Ortiz
Maria Carmen Larraza Perez
Maria Jesus Irazustabarrena
Mariano Alda Egea
Master Hernani,S.L.
Master Hernani,S.L.
Miguel Armenteros Y Otro,C.B.
Mikel Arregui Pagola
Mikeli Anzizar Egilegor
Milagros Nuñez Monje
Milagros Querejeta Recalde
Millamed,S.A.
Miren Arantzazu Zamora Echebeste
Miren Elizegi Abril
Muebles Balbi,C.B.
Muebles Y Asientos Garcia,S.L.
Nagore Alvarez Iraola
Natalia Gonzalez Martinez
Novedades Valen,S.L.
Pablo Gomez Justel
Pablo Schroeder,S.L.
Pedro Antonio Azpeitia,S.L.
Pedro Mª Garin Urreaga
Pedro Mª Godoy Martin
Perfilvent,S.Coop.
Perfumeria Eguzki,S.L.
Permaca,S.L.
Pinturas Landaribar,S.L.
Pro-Lighting,S.L.
Ramon De Urquijo,S.A.
Rosario Zabala Irazu
Ruth Imaz Munduate
Scoiner,S.L.
Sistiaga,S.L.
Susana Rodriguez
Talenta Outsourcing,S.L.
Talleres Hernani,S.A.
Tapicerias Eder,C.B.
Teresa Castilla Albisu
Textiles Adapik,S.L.
Tindategi Garbi Berri,S.L.
Tomas Imaz Irastorza
Travelplan,S.A.
Uralde Iturgintza,S.L.
Urgaska,S.L.
Ventanas Fabri,S.L.
Xabier Zabalegi Vazquez
Zabala,S.L.
Zanguitu Madina Yoseba Y Dos
Mas,C.B.
4 Trapos Pa Llevar,S.L.