Gipuzkoako emakume bakarra da 5 dan lortu dituena. Gerriko beltzetan 10 maila izaten dira judoan, eta ez dira asko izaten 5garrenera iristen direnak. Jone Irastorzak lortu du hazaina hori, Hernaniko judo irakasleak. Ismael Mateok lortu duena ere ez da makala; 4 dan lortu ditu Mateok. Manuel Palomequek 2garren dana lortu du, eta Jose Angel Roblesek lehenengo dana. Joan den astean esaminatu ziren Hernaniko eskolako lau judokak, eta laurek lortu zuten euren helburua. Urtean bi azterketa izaten dira eta hor aprobetxatu behar izaten dute aukera. Giltza-teknikak, katak eta teoria izaten dituzte azterketa horietan, eta adituen epamahai batek epaitzen ditu.
5 urte emaitza hori lortzeko
Jone Irastorzak bost urte pasa ditu zain, esamin hau egin ahal izateko. «Ezin dugu guk nahi dugunean esaminatu. Hor lege batzuk daude; 4garren dana lortu eta gero, bost urte itxoin behar dira hurrengo esaminerako. Orain, seigarrenerako, sei urte itxoin beharko ditut».
Hernaniko eskola osasuntsu
Orain arte ere, maila haundiko eskola zen Hernanikoa. Carlos Lazkanok 5 dan baditu eta laster 6garrena ateratzeko aukera izango du. Eider Alonso ere hor da, 3 danekin. Irastorzak, Mateok, Palomequek eta Roblesek punttu bat gehiago eman diote beraz.
Deporte konpletoa
Mateok eta Irastorzak garbi dute borroka baino gehiago dela judoa. «Kirol konpletoa da judoa. Gazteek errespetoz jokatzen ikasten dute; elkarri minik ez ematen. Horrez gain, gorputz guztiko giharrak lantzen dira, eta edozein adinetan hasi liteke praktikatzen».
Hernaniko judo eskola
-12 urte Hernaniko kirodegian (lehen Herman ematen zen).
-145 judoka dabiltza gaur egun.
-21 gerriko beltz atera dituzte Hernaniko judokek 12 urtean.
-Irakasleak arratsaldero han izaten dira, klaseak ematen.
Gipuzkoako Txapelketa eta infantilen jardunaldia gaur Hernanin
Gipuzkoako Judo Txapelketa jokatuko da gaur Hernanin, 09:30etatik aurrera. Nagusien mailako txapelketa da, eta tartean Hernaniko lau judoka izango dira: Ismael Mateo, Oskar Carpintero, Santi Blanco, eta Eider Alonso. Maila haundiko ikuskizuna izango da beraz.
Horrez gain, infantilen erakustaldia, eta judo-jardunaldia ere izango da, jarraian. 11:30etatik aurrera, Gipuzkoako judoka gazteak izango dira helduei erreleboa hartuko dietenak, eta beste askoren artean, Hernaniko 11 judoka ariko dira bertan.