ZIGOR Iturrietak Mont Blanc-eko ultra trail proban hirugarren egin zuen iraila hasieran, eta gaur Katalunian da, bertan jokatuko den Cavalls del vent proban parte hartzeko asmoz. 84 kilometrotako proba izango da, eta aurreneko aldiz joan den urtean egin bazen ere, izen haundia hartu duen proba da.
«Burua ondo ikusten dut, hankak ez hain ondo»
Iturrietak munduko korrikalari inportantenekin batera hartuko du parte gaurkoan, bertan izango dira munduko onena den Kilian Jornet, Miguel Heras, eta Alpeetako lasterketa irabazi duten bi ingelesak.
Iturrietak Kronikari adierazi dionez, marka ona egiteko asmoz joan da Kataluniara, nahiz eta buruz hankez baino hobeto sentitzen den: «burua ondo ikusten dut, hankak ez hain ondo. Hala ere, distantzia hauetan burua izaten da inportantea, fisikoa baino psikologikoa inportanteagoa izaten da, egoskorra izan behar da, burugogorra. 40garren kilometrotik aurrera guztiok gaude nekatuta, handik aurrera buruak agintzen du»
Datorren urtean Ultrak izango ditu helburu
Zigor Iturrietak datorren urteko lasterketak ere buruan ditu dagoeneko. Azaldu duenez, aldez aurretik pentsatu behar dira, kalendarioa prestatu behar da. Bi patrozinadorerekin hitz egiten ari dela aitortu dio Kronikari, eta honek Europa mailako lasterketak korritzea ahalbidetuko diola: «datorren urtean Ultretara bakarrik dedikatu nahi dut, 80 kilometrotik gorako lasterketetara. Euskal Selekzioarekin badut aukera, baina beste bi marka potenteekin nabil hitz egiten. Horiei esker, Europa mailako karreretan parte hartzeko aukera izango dut: Trasgrancanaria 123 kilometrotakoa, Andorrako Transbulcania 100 kilometro ingurukoa, eta Mont Blanc, 90 kilometrotakoa».
Lasterketak prestatzeko, Zigorrek, astean 2 edo 3 egun segidan entrenatzen ditu, eta 5-6 ordukoak izaten diran entrenamenduak, azkarrak.
2010EKO EMAITZAK
Ultrak-Lasterketak
3garren Mont Blanc-en (90 km)
1go Lakako lasterketa
2garren Bidarrai, Euskal Herriko maratoian
4garren Sorginen lasterketan
2009KO EMAITZAK
1go Euskadiko Kopan
3garren Euskadiko Txapelketan
4-5-9garren Hiru Ultretan (Mont Blanc-erako puntuatzeko).