Martindegi auzoko Jose Angel Yanci artista hernaniarrak pintura erakusketa jarri du Donostian, Groseko NoColor aretoan (Colon pasealekua, 37). Erakusketak 21 gramoko papera izena du, eta bertan, papera euskarritzat hartuta, Yancik egindako 20 bat lan daude ikusgai eta erosgai.
Artista ezagunekin hezia
Yanci, hainbat artista ezagunen pintura klaseetan eta tailerretan parte hartuta hezi da pintore gisa, hala nola, Julian Ugarte pintorearen klaseekin, Juan Luis Goenaga eta Jose Luis Zumetaren pintura tailerrekin, Juan Luis Barojaren kalkografia grabatuarekin eta Nerea Zapirainekin serigrafia tailerrean, Artelekun.
Sari ugari
Artista hernaniarrak sari ugari jaso ditu, besteak beste, Gipuzkoako Artisten Elkarteko VIIgarren Pintura Lehiaketan hirugarren saria eta Xgarren lehiaketan Ohorezko aipamena izan zuen bere lanak.
Horrez gain, Tarnos Hiria Saria jaso du 62garren Salon d´Automne Boucou-Tarnosen (Frantzia), Diploma Adour Bidasoako 15garren Pintura Lehiaketan... Eta ohorezko gonbidatua izan da Donibane Lohitzuneko Salon d´Automnen, eta beste lehiaketa ugaritan hautatua ere bai.