Euskal Herriko kamisetarik onenak, Hernanin

Ondarroako Zapato Azu­­­­le jaiaren barruan, Eus­kal He­rriko Kamiseta Azoka an­tolatu ohi da ekainaren azken larunbatean. Bertan, kamiseta one­na­ren saria banatzen dute partaideen artean, eta aurten, Her­naniko Aiko-maiko dendak es­kuratu du, bigarren aldiz.
Aitzol Goikoetxea eta Ain­­h­o­­­­­a Lujanbio dira Aiko-mai­koko diseina­tzai­leak eta den­daren jabeak, eta Kronikari azaldu diotenez, azo­kan parte har­tzen dutenen artean egiten dute bozketa, eta orain arte ka­miseta bat izaten bazen ere saritua, aurten postu osoa hartu du­te kontuan. Guztira 23 partaide izan dira, iaz baino gehiago; tar­tean, Her­naniko Gora! eta Oke­ne.
Aiko-maikoko bi diseina­tzaileek aitortu dute oso ondo pa­satzen dutela azokan, giro ede­rra izaten baita egun oso­an, eta salmentarako ere baliagarria izaten dela: «Jendea zain egoten da azokan erosteko. Ondo sal­tzen da, baina aurten nabaritu da krisia».

Arrakastaren sekretua
Goikoetxea eta Lujanbiok bos­garren aldiz hartu dute parte Kamiseta Azokan eta orain de­la bi urte ere beraiek lortu zu­ten saria. «Eta gaine­ra­koetan bi­ga­rren geratu ga­ra. Hortxe-hortxe ibiltzen gara Tolosako Tartalo markarekin», azaldu du­te. Arra­kas­ta­ren nondik-no­rakoaz gal­detuta, sekretua, besteak bes­te, kolorean egon daitekeela aipatu dute: «Pos­tuan ka­mi­se­tak zabalduta jartzen ditugu eta oso koloretsua ikusten da. Ho­rrez gain, diseinatzerakoan, saia­tzen gara kamiseta koadro bat bezala har­tzen eta irudia ez dadila bakarrik er­dian egon. Baita ere, euskerazko poe­sia edo kan­turen baten hi­tzak sartzen ditugu, testua sar­tzen dugunean, eta hori gustoko du jendeak».
Aiko-maiko dendak 4 urte beteko ditu Gabonetan. 2006ko Kamiseta Azokan beraien ka­misetek izandako arrakastaren ondorioz za­bal­du zuten  denda (Karmelo Labaka 4) Goikoetxea eta Lujanbiok. Eta egun, marka gehiago ere aurki daitezke. Skunkfunk markarekin ere hastekoak dira. Horrez gain, Her­naniko Aitor Ruiz de Egui­noren kamisetak  eta Zikuren bi­txiak dituzte salgai.