Xabier Erdozia Lou hil zen atzo, 42 urte zituela, gaixotasun larri baten ondorioz. Zine aditua, eta Hernaniko talde eta mugimendu askotan parte hartutakoa zen Lou. Hernaniko Kronikako kolaboratzaile lanak egin zituen azken urteetan, zine aditu modura.
Zinearen Txokoa
Zinearen Txokoa atala maisu landu zuen hernaniarrak, bere berea zuen ikuskera emanez, Kronikako sail bereziari: Donostiako Zinemaldiarekin hasi zen, eta gerora, Beldurrezko Zinemaldiaren jarraipena, eta hilean hileko pelikulen gomendioak ere egin zituen Louk.
Potemkin taldeko sortzaile, eta Zinemaldian lanean
Zine aditua zen Lou. Hernanin zine taldea sortu zuen beste hernaniar batzurekin batera: Potemkin taldea, hain zuzen ere. Potemkin taldeak emanaldi asko egin zituen Hernanin, eta beraiek abiatu zituzten, besteak beste, Hernaniko Udako Zine emanaldiak. Zine aditu bezala, Donostiako Zinemaldian ere lan egin zuen, urteetan.
Molotoff, Kanika, eta
herriko hainbat mugimendu
Musika jartzen aritzen zen, DJ moduan, eta herriko talde askotan parte hartu zuen. Molotoff irratian urte askotan aritu zen, eta Kanika taldean ere lan egin zuen, Floridako Haur Txokoan.
Hernanin ezaguna zen Lou, hainbat talde eta mugimendutan parte hartu zuelako. Hernaniko Kronikak ere agur berezi bat eskaini nahi dio Louri, eta besarkada haundi eta goxo bat bere inguruko guztiei; lagunei eta familiakoei.