Irizar gaineko etxea desalojatu zuten herenegun

OTSAILAREN bukaera al­dean, Irizar gainean dagoen etxebizitza (Gasatienea) oku­patzea erabaki zuten herriko zenbait gaztek «etxebizitza hutsik zegoela eta», eta herenegun, desaloja­tu egin zituzten Ertzainek, agin­du hori zutela esanda. Etxebizitzan bizi ziren gaz­teek Kronikari azaldu diote ika­­ra­garria izan dela desalojo prozesuaren azkartasuna: «bi egu­­netan deklarazioa hartu, epaitu eta desalojatu egin gai­tuzte; gai­nera, errekurtsoa jar­tze­ko epea bukatu aurretik. Epaia aurretik erabakita ze­go­en». Errekurtsoa jarria zuten da­goe­neko, eta epea aste­lehe­nean bukatzen da. Prozesua be­ra salagarria de­la azaldu du­te. Horrez gain, jabeen jarrera salatu nahi izan dute: «ez gara ezer kentzera joan. Hasiera-hasieratik saiatu gara tratu batera iristen eta prest ginen beraiek behar zutenean etxea uzteko. Proiektu bat zegoela esan ziguten, eta ez da hala. Azkenean aitortu ziguten egia: ez dugu okuparik nahi. Aurre­iritziak daude okupen kontra eta gu ez gara lapurrak».