Hernanin garbiago eta
hobeto biziko gara
Hernanin beti indar handia izan dute ideia progresistek: nazioaren defentsa, kultura obreroa, etorkinen integrazioa, euskararen normalizazioa, feminismoa... Hondakinen tratamenduan atzeratuta ibili gara eta orain daukagu munduan aurrean dabiltzanen parean jartzeko aukera.
Zabor kontuetan, gizarteko gai gehienetan bezala, bi aukera nagusi daude munduan. Batetik, enpresario handiek eta politikari eskubitarrek bultzatzen dute jendeak ero moduan kontsumitzea, kutsaduraren kontrolik eza, hondakinekin negozioa egitea, sistema zentralizatu garestiak, intzinerazioa.
Beste aldetik, jende aurrerazaleek, justizia sozialaren eta ekologiaren aldekoek, eskatzen dute kontsumoa kontrolatzea, hondakinak murriztu, berrerabili, birtzilkatu eta konpostatzea. Orain Hernanin korronte handi horretan sartuko gara.
Herritarren esku ez dago dena, baina asko bai. Maiatzetik aurrera gutxiago kutsatuko dugu, herria garbiago edukiko dugu eta errausketarik gabe gure hondakinak hobeto kudeatuko ditugu.
Hernanin Zero Zabor taldea
Atez Ate, 6.045 sinadura
6.045 sinadura jaso ditugu galdeketaren alde, jendeak baloratu dezan: EAE-ANV 4.187 bozka lortu zituen, oposizio osoa elkartuta 4697. Herriko politikariek horrelako mugimendu bati erantzuna eman behar diotela iruditzen zaigu. Kalean zeuden kexak ikusita, bizilagun talde batek sinadura jasotzeari ekin zion kexa hauek nonbait erakusteko asmoz. Bizilagunak bere aldetik orrien fotokopiak atereaz, denda eta taberna batzuetan orriak utziz... eta nola ez: politikariek hartu zuten parte.
EZ DUGU INOIZ TALDE POLITIKORIK ATZETIK EDUKI. Gure alkatearekin hori argitzera joan ginenean onartu zigun, baina publikoki inoiz ez zuela onartuko ere esan zigun, berak bazekiela zergatik idatzi zuen hori. Oso gogorra izan zen hori entzutea, batez ere badakielako, bere hitzak zer eragin eduki duen merkatari eta pertsona batzuen aurka. Orain HERRIAREN TXANDA DA: EMAN HITZA HERRIARI.
Erreferenduma eskatuz firma bilketa egin duen
plataforma